[A:50]rgyas kyi go 'phang thob par 'dod pa'i bsam pas kun nas blangs te/ lam gyi snying po zab mo bla ma'i rnal 'byor bsgoms te/ snying khong rus pa'i gting nas nyin mtshan khor yug tu gsol ba 'debs pa dang / dbang bzhi len pa/ rang sems gdod ma'i rang bzhin lta ba/ rang babs gsum gyi steng du 'jog pa/ gzhan gang la gang 'tsham gyi thugs dam gyi rim pa/ de nyid 'gro ba'i don du bsngo ba zhig byed bsam pa dang po nas rgyun mi 'chad du ma gyur pa yod kyang / rjes su de bzhin ma byung / gang ltar 'phan yul dang / srang dang / byang sogs na yod pa'i bdag byas pa'i dgon pa dang / ri khrod dben pa rnams su kha ton gang 'phel mtshams gang dam byas pa'i thugs dam dang / rgyun gyi nyams bzhes kyang spros med dang ma bral ba'i ngos nas/ de la snying rjes rtsis zin pa'i stong nyid snying rje'i snying po can gyi ngang nas 'chad rtsod rtsom pa sogs kyi bya ba/ sbyin bdag gi sku rim sogs kyang de ga'i ngang nas bskyed rdzogs kyi rim pa ma 'khrul bar mdzad/ sgo yab gdan sa'i chags skor dus kyang de las ma g.yos pa'i ngang nas sbyin bdag sogs la'ang yul dang mthun pa'i gsung sgros thugs dam las ma g.yos pa'i gshis kyis sgrigs ma rang mi yong / gzhan mi dang sems can gang gzigs kyang smon lam rnam par dag pa 'debs par mdzad/ phyi rol gyi snang ba dang sgo bstun nas rgyun du thun gnyis kyi nges pas dpal ldan sa skya pa'i zab don thams cad kyi snying po lam zab mo bla ma'i rnal 'byor phyi nang sbrags pa/ tshar chen rdo rje 'chang gtso bor bzhugs pa'i brgyud pa rnams la gsol ba 'debs pa/ zhen