[A:51]pa spangs pa/ dbang bzhi len pa rnams thugs yul du ches cher gsal ba'i nges shes ma skyes kyi bar du sgom par mdzad/ mthar lta ba blo 'das kyi ngang du yun ring po'i bar du mnyam par 'jog par mdzad/ de bzhin du dpal kye rdo rje'i phyi nang gi bskyed rim zab gsal gnyis su med pa'i ngang nas lam dus kyi dbang bzhi sbyang bzhi sbyong byed ngo sprod pa'i gsal snang ma skyes bar bzhes pa'i mthar rdzogs rim rlung gtum mo ye shes kyi phyag rgya'i rnal 'byor/ zung 'jug phyag rgya chen po rnams la rgyun shin tu ring ba'i bar mnyam par 'jog par mdzad/ yig brgya/ uShNISha/ aShta la sogs pa'i rigs sngags kyi bzlas brjod kyang rnam grangs mang du mdzad/ rnal 'byor dbang phyug gi thun mong dang thun mong ma yin pa'i sgom bzlas srung ba dang bcas pa shin tu rgyas pa/ bde mchog /nA ro mkha' spyod kyi sgom bzlas/ gshed dmar spros med/ rdo rje 'jigs byed kyi 'khrid/ ni gu /bde mchog snyan brgyud/ dpal rdo rje nag po chen po'i srung 'khor brag rdzong ma phyi nang gsang gsum gsang 'khrid dang bcas pa/ zhing skyong chen po'i skor/ yi dam chos skyong la gtor bsngos thun gnyis ma/ tshes bcu bzhi/ nyer dgu sogs la bskang gso rgyas pa/ tho rang gi thun la srog rtsol rdo rje'i bzlas pa/ bum pa can/ tshe sgrub pa'i thun mong ma yin pa'i rlung sbyor/ tshe dpag med/ sgrol dkar/ sgra mi snyan pa'i tshe sgrub/ gzhan yang phyag rdor sogs yi dam mang po'i sgom bzlas/ dkar gtor cha bzhi/ dzambha la'i chu sbyin/ brgya rtsa/ dbyug gu drug cu rtsa bzhi/ cha gsum sogs chag med gnang ba'i yi dam