[A:54]ldan sa skya pa la ngan smras kyi sgo nas skur ba zhu pa la yang bstan pa la phan pas kun nas blangs te/ de lan shin tu bzang ba 'jal ba tsam gnang bas/ seng ge'i nga ros wa tshogs zil gyis non pa bzhin gyur/ mkhas mkhas ma mdzad par drang por mdzad pa sogs shin tu mang yang yi ge mangs pa'i 'jigs pas ma bris/ rtsom pa'i cha/ rtsom pa lhur len pa mi mdzad/ nged rang gis kyang rtsom pa byas na las sla mod de/ bla ma gong ma'i yig cha byin rlabs che ba 'di pa la gnod pa dang / rjes 'jug rnams kyang skyong dka' sil po mang ba las med gsung / snyigs dus kyi gdul bya rnams kyis snyan brgyud 'dzin par ma nus par nub dogs mi mdzad ka med kha re dang / dmag zor rgyal mo'i bskang gso dang / rin po che che brag pa'i rnam thar sogs ngo mtshar shin tu che ba yang kha re yod/ don la snga mo'i dus kyi gang dang ci yin pa'i zab gnad sogs med du mi rung ba rnams kyis gtsos pa rnams/ mnyel mi 'gro bar khra lam lam bzhugs pa sogs yod pas/ rje 'di nyid kyi mkhyen rab la sus kyang tshad gzung mi nus so/ /yang 'di skad do/ /smin byed dbang gi rgya mtshor legs zhugs nas/ /dam tshig sdom pa'i gru chen zag lhan can/ /grol byed rim gnyis nor bu'i gling la spyod/ /rang gzhan chos kyi dbul ba sel der 'dud/ /bskyed rim gzhal med yid bzhin dbang gi rgyal/ /tha mal ma dag snang bar rab sbyangs nas/ /dag snang lha yi rnam pa'i gzi 'bar ba/ /rdo rje gsum gyi rang bzhin khams der 'dud/ /ces pa ste/ de yang bdag nyid chen po 'dis/ dpal kye rdo rje/ bcom ldan 'das dpal gshin rje gshed dmar po/ /rdo rje 'jigs