[A:55]byed/ yang gsang / dpal 'khor lo bde mchog la sogs pa'i thugs dam gang mdzad kyang bskyed rim la brtan pa thob pa'i dbang gis thugs snang dag pa rab 'byams 'ba' zhig lha'i 'khor lor 'char te/ rigs med sgyu 'phrul gyi bkod pa mtha' yas pa'i snang brnyan sngon du 'gyur rgyu'i sku gzugs dbang po'i gzhu ltar bkra ba'am/ me long nang gi gzugs brnyan ltar dngas shing gsal la rnyog pa med pa/ sgrib thogs thams cad dang bral zhing / skyon yon gyi mtshan ma mtha' dag gis dben pa/ sku mi zad pa rgyan gyi 'khor lo'am/ dus gsum sangs rgyas thams cad kyi sku rdo rje'i ngo bo dang / rang byung lhan cig skyes pa'i rang gdangs 'gag pa med pa'i rang rtsal sgra gdangs kyi snang cha rnam pa thams cad par 'char ba'i gsung / rdo rje'i yi ge gdod ma nas kyis bzhugs tshul/ rang rig rtsal skad gdangs sam/ yig 'bru'i snang cha 'gag pa med par rgyun mi 'chad du 'char ba'i gsung dbyangs yan lag drug cu mngon du 'gyur rgyu'i gsung mi zad pa rgyan gyi 'khor lo ste/ dus gsum sangs rgyas thams cad kyi gsung rdo rje'i ngo bo dang / rang byung gnyug ma lhan cig skyes pa'i ye shes kyi ngo bo/ snang ba dang / stong pa gzung ba dang 'dzin pa la sogs pa mdor na gnyis bsdus kyi chos thams cad kyis stong zhing / spros pa'i mtha' thams cad dang bral ba'i stong nyid nam mkha' g.ya' dag pa lta bu/ de yang ci med cang med kyi byang chad du ma song ba'i stong nyid kyi rang rtsal snang brnyan gyi bkod pa zad mi shes pa'i ye shes kyi rang snang / gdangs 'gags med du 'char bas gsal ba/ de yang gnyis