[A:70]byung ba/ 'di khur na dngos sred du 'gro dgongs bzhag pas/ dkon gnyer rnams kyis phyag tu phul nas snga sor yang bstan 'dzin rnams la 'di bzhin yong gi yod snoms zer/ rten 'brel legs dgongs bsnams/ yang skabs shig srad kyi dgon pa bde chen pho brang na yod dus/ skya btsun 'ga' re'i chos mi dran pa'i spyod 'gros dang / 'khor ba'i sdug bsngal dang / rang gi dpon pos pha spun rnams nyes med la bsad/ nor phrogs/ yul 'khyar ba sogs sdug bsngal sbyod spyod gal ba rnams dran/ chos min pa gang la'ang snying po mi 'dug bsams nas rang gi slob ma la 'di skad smras so/ /rje sangs rgyas kun dngos rdo rje 'chang / /pha sprul pa'i rgyal po tshar pa rje/ /yid zol zog med pa'i dad sems kyis/ /bu snying nas 'dud do thugs rjes skyongs/ /khyab bdag 'khor lo'i dbang phyug rdo rje 'chang / /gnyis med shes rab ma dang rnam rol ba'i/ /bde chen ye shes gar mdzad he ru ka /dpal ldan khrag 'thung blo gsal dbang por 'dud/ /dal 'byor ldan pa'i chos kyi rgya mtsho la/ /mi rtag dam chos bskul ma 'di skad smra/ /rna ba'i dbang po gtod la lan brgyar nyon/ /dal 'byor 'di ni shin tu rnyen par dka'/ /rnyed pa'i dus 'dir chos la ma 'bad na/ yun ring sdod pa'i gdengs med 'chi bas sleb/ /tshe 'dir thong dka'i dngos po lta ci smos/ /rang gi lus kyang rdza chag bzhin du 'bor/ /sngon byung srid pa'i sha tshugs rang sems de/ /thar med dmyal sogs sdug bsngal myong dus su/ /sus kyang phan pa med do chos la 'bungs/ /chos kyang bla ma brgyud pa dang ldan zhing / /'khrul med gdams pa go rim ma nor