[A:69]zhing / rang gi bla ma tshad ldan gyi zhal nas brgyud pa'i chos thos bsam sgom gsum gyi sgro 'dogs bcad pa'i nges nges des rang gzhan la phan thogs pa yin/ zhes gsung gi 'dug pas de 'phral bris pa yin/ yang skabs shig dpon slob la gsol ja dkon pa zhig byung ba la/ rje btsun rigs byed ma sku mdog cung zad smug mdangs yod tsam gyi rnam par byung ste ja khug la gzigs pa zhig byas yal song / ja khug gi ja de nas re zhig gi bar la ga tsam spyad kyang ma zad/ de nas bzung ste ja 'bol ba'i ngang la song / 'dod pa'i longs spyod lan tshwa'i chur gzigs kyang / /tshogs gnyis rdzogs pa'i 'bras bu mi bslu bas/ /rje btsun bla ma rdo rje 'chang dngos la/ /'dod pa'i longs spyod rje btsun dbang mos bsgrubs/ /gsang chen bdag por dbang bskur slad/ /DA ki'i lag sor padmo'i rtser/ /zag med sbrang rtsi'i mchod yon gyis/ /khyod thugs bung ba myos par byas/ /de la dbugs 'byin rigs byed dga' ma'ang / /dngos grub mtshan ma ster ba'i 'dzum zhal ni/ /snying gi padmo g.yo ba'i nags klung ltar/ /yid kyi brtan pa 'phrog pa'i lang tshor sprul/ /yang rje 'di nyid dpon slob rags bsdus pa zhig chos grwa chen po dpal ldan sa skyar phebs/ lha khang rnams zhib par mjal/ brtan bzhugs dang / bstan pa dar zhing rgyas pa dang / sems can rnams bde zhing skyid pa dang / myur du sangs rgyas kyi go 'phang thob pa'i smon lam rgya chen po mdzad pa dang / pu tra la sger gyi rje btsun gong ma rnams kyis ji ltar bka' bsgos pa bzhin zhes ched du mdzad pas/ snyan dar kha gang 'dzags