[A:73]lo shas de ru bsdad/ /sdig can gyi dgra bo ma rungs 'dis/ /de ru yang bar chad sna tshogs byas/ /khyad par dpal sdings kyi dgon pa ru/ /dge sbyor gang 'phel gyi mtshams bcad de/ /mkha' mnyams sems can thams cad kyi/ /don du byang chub sems bskyed nas/ /rim gnyis kyi ting 'dzin zab mo dang / /khyad par lam zab bla ma yi/ /rnal 'byor rtse gcig sgom dus su/ /gdug can gyi ma rungs dgra bo 'dis/ /kho rang blo ngan pas rgyud dkrugs nas/ /rang gi sngar byas kyi bya ba dran/ /ming yang bla ma bzang ba dang / /khyad par tshar chen rdo rje 'chang / /mthu stobs kyi nus pa che ba nas/ /rje de yi snyan brgyud gdams pa rnams/ /mi nga la gnang ba shes pa nas/ /kho la mngon spyod drag po yi/ /las sbyor byed kyin yod bsams nas/ /gnas de ru nya mgo gnon mi btang / /gnas e waM chos ldan gyi khri thog na/ /snyigs dus kyi rgyal ba gnyis pa yis/ /rje rdo rje 'chang chen gyi dbon chen pa/ /mkhas btsun gyi bla ma sangs rgyas kyi mtshan/ /'jigs med kyi seng ge de na bzhugs/ /rje btsun ngor chen sangs rgyas seng ge bas gsan/ /lo rgyus rnams zhib par brtse ba chen pos gnang / /bdag gis kyang nus gang thon byed pa'i bab thob yod kyang / gnod pa ci yang ma byas pha spun de tsam med pa byas rjes/ rang gi sngon las su bsams snyoms chung byas pa la/ 'di tsam rang byed pa bsams te/ 'dar du tshar chen rdo rje 'chang chen po'i drung du phyin/ byung lugs kyi rgyu mtshan rnams zhus pas thugs shin tu khros/ zhal mdangs dmar por 'gyur/ da 'di 'dra rang byed rgyu yin pa na/ yang na mnyam gzhag las ma g.yos pa'i thugs dam rtse