[A:74]gcig tu byed pa dgos/ yang na 'phreng ba gnyis gsum gyi mig bol ba'i drag sngags kyi nus pa thon pa dgos/ sngar phan chad bka' rgya gdams pa yin/ da ni bka' rgya mi 'grol ka med yin 'dug gsung / e waM chos ldan du song / de ru mngon spyod kyi las rtsoms shig gsung / ngas kyang g.yag gu dang byang tshwa'i dpe byed bsam sdug thug /las sbyor byas pas zla ba phyed la rtags mtshan rdzogs te/ kho lo ru ma 'gor ba nged tshol ji ltar byung ba bzhin kho rang gi thog tu byung / bla ma dang chos skyong la gtang rag btang / /snyan brgyud gsum pa'i nges shes skyes/ /kho la yang snying rje drag po dpag med skyes/ /mngon du chos dbyings kyi ngang du bsres pa dang / /da lan yang bsngo ba smon lam gyi rgyas gdab byas/ /bla ma dam pa'i thugs dang bsres nas bzhag /kho rang yang skal bar ldan no snyam/ /las nag rnam smin dkar ro snyam/ /sangs rgyas kyi go 'phang thob bo snyam/ /de gal te ma thob bar du yang / /skye ba nas tshe rabs thams cad du/ /kho bos rjes su 'dzin no snyam/ /mi nga rang ngan kyang bla ma bzang / /yang rje btsun dam pa 'di nyid 'phan yul lhun grub sdings na/ nang so'i sku rim gtor zlog cig gnang ba'i dus nub gcig pu tra byung nas mthu ba nas khye'u gzhon nu zhig gi mgo mig hrig hrig byed pa zhig 'dug nas/ 'di yang kho'i yin zer nas skyur song bas/ khrag zhal ba'i kha na mar nar ra ra 'dzag gin 'dug /de'i rjes su zhag grangs brtsis pas/ zhag bdun nas khong tsho'i bu gzhon nu zhig shi 'dug /rjes su chos skyong la 'phrin las ma bcol kyang bla ma dang / gdams