[A:83]gces/ /tshe 'di yi che mtho thob gyur cing / /za 'og la sogs lus la spras/ /mang po'i 'khor gyi dbus gnas kyang / /rang la lung rtogs yon tan ni/ /mo gsham bu ltar gyur na yang / /chen po'i gtam gyi dregs pa 'byin/ lung med kyi dpe cha phyogs bcur sdud/ /zab mor rlom pa'i dam chos 'chad/ /nga rgyal gyi ri bo mtho la 'khregs/ /de 'dra'i bshes gnyen rjes 'brangs rnams/ /log pa'i lam de rab bor la/ /legs pa'i lam la bsnyeg 'dod na/ /brgyud ldan gyi bla ma sangs rgyas dngos/ /legs par btsal te mnyes par gyis/ /snyan brgyud kyi gdams pa legs par zhus/ /bla ma'i bka' las ma 'da' bar/ /bsnyen pa dang sgrub pa mthar phyin mdzod/ /de ltar byas na 'jigs las rgyal/ /rang gzhan kun la phan par nges/ /de thugs la gzhog mdzod skal ldan kun/ /ces pa gdengs tshad dang ldan pa'i glu blangs pa 'di/ rje btsun kha'u pa yab sras kyi rjes 'brang lha btsun mai tris rang byung thol skyes su blangs pa dge legs 'phel/ /yang sgo mo na lod pa'i skabs shig sprul pa'i sku bsod nams rgya mtsho bas rgyal la yong dgos phebs te/ na mo gu ra we/ dus gsum sangs rgyas thams cad kyi/ /'phrin las ngo bo gcig bsdus pa/ /'dzam gling yongs la grags pa yis/ /rje btsun tshar pa'i zhabs la 'dud/ /pha khyed kyis byin gyis brlabs pa yis/ /bu yi tha chung mai tri nga / /kha ba can ljongs sgos kyi lha/ /spyan ras gzigs mgon 'brom ston gyi/ /sprul pa bsod nams rgya mtsho bas/ /gnas mchog rgyal la shog ces