[A:84]gsungs/ /bka' gsung lhur blangs chas pa'i tshe/ /bsod nams dpal gyis mngon par mtho/ /dad pa shes rab mchog dang ldan/ /bstan pa mchog gi sbyin bdag che/ /sde pa zhig gis gdan drangs te/ /bstan pa'i bdag po sa skya pa'i/ /dpal mgon chen po gdong bzhi pa'i/ /gsang ba'i man ngag mchog gyur pa/ /snyan brgyud gsang khrid bshad pa'i dus/ /nub cig rmi lam gsal ba la/ /khang bzang zhig gi lho phyogs na/ /yid 'ong mchod rten dkar po bdun/ /de la skor ba byas pa'i tshe/ /mdzes shing yid 'ong rgyan gyis mdzes/ /'dzum pa'i mdangs ldan lha mo zhig /snyan pa'i skad kyis 'di skad lo/ /nor rdzas dbyar gyi na bun 'dra/ /de la chags zhen su zhig 'dzin/ /chos la gces spras snod ldan phyir/ /btad dka'i gser phye maNDal dgos/ /yang na rang 'dod dri ma bral/ /'gro ba kun gyi don gyi phyir/ /byang chub sgrub phyir brtson pa la/ /de la snyan brgyud gdams pa byin/ /snod min dag la byin pa na/ /mkha' 'gros tshar gcod bar chad yong / /des na snod dang ldan pa gces/ /rnal 'byor sems la de ltar zhog /ces zer zhing mchod rten gyi srang bar zhig la song ste thal lo/ /slar sgo mor sleb pa zhig byas phyin/ sang de snga bar chas te skyid shong bde chen du sleb pa'i gnas tshang zhig tu khams la 'bul sdud la phyin pa'i bla ma zhig dang de nub mnyam du bsdad pas/ zhi dul che ba'i spyod lam mdzes par 'dug pas/ 'di chos pa dga' mo zhig yod rigs su 'dug bsam yid dga' ba zhig byung / khong nyal khar kha ton phran tshegs shig byas/ de ma thag