[A:88]'jam dbyangs rnam sprul dpal ldan sa skya pa'i/ /snyan brgyud bstan pa'i bdag po drin can rje/ /gangs can 'di na bstan pa'i rgyal mtshan 'dzin/ /skya seng bu ltar 'gran zla rab dben pa'i/ /mtshan tsam brjod dka' rje btsun tshar pa rje/ /ma gtogs skyabs gzhan tsab tsub ma byas pas/ /gros sna thon zhing don grub tshad cig byung / /blo phugs dam pa'i chos la bstad pas/ /bstad sa ma log tshad cig byung / /sgro 'dogs rang gi sems la bcad pas/ /nges shes skyes pa'i tshad cig byung / /gang byed chos dang mthun par byas pas/ /chos dang mi 'bral tshad cig byung / /rgyal kha gnod byed kun la btang bas/ /dgra 'dre nyung ba'i tshad cig byung / /gang du bsdad kyang 'dzin chags spangs pas/ /gsog rum chung ba'i tshad cig byung / /'pham kha rang gi phyogs la btang bas/ /zhe sdang chung ba'i tshad cig byung / /rang don spangs nas gzhan don byas pas/ /sbyin bdag mang ba'i tshad cig byung / /gal chung rang nyid kho nar byas pas/ /mi rnams dad pa'i tshad cig byung / /rgyu rnams byung tshad mi la sbyin pas/ /longs spyod che ba'i tshad cig byung / /rang lus yi dam 'bral med bsgoms pas/ /zhen chags chung ba'i tshad cig byung / /drag sngags zab mo mang du bzlas pas/ /nus pa che ba'i tshad cing byung / /dran pa yengs med rgyun du bsten pas/ /gnyis 'dzin chung ba'i tshad cig byung / /bla ma 'bral med sbyi bor bsgoms pas/ /byin rlabs zhugs pa'i tshad cig byung / /gsol ba dam pa rje la btab pas/ /byin rlabs myur ba'i tshad cig byung / /ltar med