[A:89]sems la 'bral med bltas pas/ /rnam rtog chung ba'i tshad cing byung / /rgyun du bstan pa'i lugs su gnas pas/ /grib cham nyung ba'i tshad cig byung / /gdams pa zab mo'i nyams len byas pas/ 'go nad mi yong tshad cig byung / /byang chub sems gnyis rgyun du bsgoms pas/ /'gro ba bdun pa'i tshad cig byung / /dag snang chos mdzad yongs la byas pas/ /gzhan gyis byams pa'i tshad cig byung / /bla mas ci gsung bka' bzhin bsgrubs pas/ /thugs rjes gzigs pa'i tshad cig byung / /gang yod dam pa rje la phul bas/ /rten 'brel 'grig pa'i tshad cig byung / /dam pa'i chos la gces spras byas pas/ /snod dang ldan pa'i tshad cig byung / /de nyid snod ldan ston shes byas pas/ /bka' chad chung ba'i tshad cig byung / /khams dang bstun pa'i za ma bsten pas/ /na tsha nyung ba'i tshad cig byung / /mnyam gzhag rjes thob lta bas zin pas/ /dge sbyor 'phel ba'i tshad cig byung / /zhes so/ /lo dgon pa na bzhugs dus/ /yang yul phyogs med kyi rnal 'byor/ /rong pa bya btang sngon po bod mkhar ba/ /ming dngos mi tri zhes bya ba/ /na rgyu rdul tsam med pa la na ba'i tshul bstan/ sman pa sogs kyi tshab tshub med par gang byung thugs rjer shes pa'i rbad kham gyis/ na ba kho rang ci dgar cham la skyur/ dge sbyor gang 'phel gyi ngang nas mtshams la bsdad pas/ zla bo rnams lha rje bos na zer/ ma bos na nan ma khyag par/ lha lung pa yang zer/ en tsa ba yang zer ba de dag gdan 'dren la btang bas/ gnangs ba su la thong zer