[A:91]mdzad pa'i/ /rje rdo rje 'chang chen mi gzugs can/ /pha rje btsun tshar pa'i zhabs la 'dud/ /bdag 'bral med snying gi dkyil du bzhugs/ /thugs rjes byin gyis brlabs tu gsol/ /sngon tshogs gnyis bsags pas rje btsun mjal/ /mjal sa ma log skyid pa la/ /'dod yon tshim med blo yis btang / /bdag shAkya'i bstan la rab tu byung / /mtshan nyid gzhung lugs yangs pa la/ /phyi sgro 'dogs chod pas skyid pa la/ /khyad 'phags rnal 'byor bla med kyi/ /rgyud zab mo'i yang snying bsdus pa yi/ /smin grol gyi lam mchog zab mo la/ /bdag thos bsam ma log skyid pa la/ /rje rdo rje 'chang nas rje btsun bar/ /bka' dbang bzhi'i chu bo ma nub cing / /lam bskyed rdzogs drod rtags ma nyams par/ /chos brgyud pa bzang bas skyid pa las/ /da snying nas gsol ba btab pa'i mthus/ /pha sprul sku khyed kyi thugs rjes bzung / /chos zab mo bum pa gang byor gnang / /nga nyams su myong bas skyid pa la/ /'khor ba sdug bsngal gyi rgya mtsho nas/ /gzhi sku bzhi'i nor bu len pa la/ /pha bla ma mkhas pa'i ded dpon yod/ /blo gtad sa ma log skyid pa la/ /pha gzhis dang nor rdzas mis phrogs kyang / /rje yid bzhin nor bu'i thugs rje las/ /bdag nor bdun dag gis phyug pa byung / /nga phun sum tshogs pas skyid pa la/ /lus nad dang gnod pa'i sdug bsngal las/ /nga stong nyid snying rje'i bzhu btul shes/ /sdug bsngal rgyan du 'char ba e ma ho/ /nga bar chad med pas skyid pa la/