[A:92] rje mtshan ldan bla ma dam pa la/ /lus longs spyod phul nas gsol btab pas/ /pha thugs rje'i byin rlabs snying la thim/ /sems mdud pa grol bas skyid pa la/ /nga na na na bas dga' ba yin/ /sngon bsags kyi sdig sgrib 'dag pa la/ /lus na tsha mchog tu gyur pa yin/ /nga bde na bde bas dga' ba yin/ /rim gnyis kyi rnal 'byor ci byas 'phel/ /nga shi na shi bas dga' ba yin/ /nga 'di las 'gro don gzhan na bzang / /nga gang ltar byas kyang bde ba la/ /gang ltar byas kyang skyid pa la/ /zhes brjod de/ lam zab mo bla ma'i rnal 'byor la mnyam par bzhag /skabs skabs su bdag gzhan brje ba'i dmigs pa re bsgoms pas/ na tsha rnams sprin dang rlung dmar zhi ba'am/ rmi lam sgyu ma ltar yal nas thugs dam la bogs chen po thon/ de yang rje btsun bla ma'i thugs rje lags/ yang lor grwa pa zhig gi sring mo la gdon shin tu 'jigs pa zhig gnod pa la/ mchod khang du khrid pa/ bla ma gang bzang la byin rlabs zhus/ dge 'dun tshogs la phebs pa'i zhabs 'og la 'dren pa sogs byas kyang ma phan pa la rje nyid kyis zhal chab gnang bas sang phan/ grwa pa rnams kyi byin rlabs yod sar zhus na de 'dra yong zer/ yang gad kha sar/ gdon shin tu 'jigs pa zhig gnod pa'i 'tshub 'gyur che ba yod pa la rje 'di nyid phebs pa tsam gyis gdon 'khor ma nus shing / khong pa tshang dad thob kyi sbyin bdag tu gyur/ grub pa'i cha yang / gad kha sar gzims khang lha'i gzhal yas khang 'dra ba'i ka drug ma zhig du bzhugs te/ rje 'di nyid kyis rten gsum