[A:9]ba'i 'du shes bskyed pa'i slad du mya ngan las 'da' ba'i tshul bstan pa/ 'phrin las kyis bstan pa'i rgyun ji ltar gnas pa'i tshul lo/ /'chi med grub pa'i rigs kyi sa 'dzin rtser/ /'jam dbyangs mkhyen brtse'i 'tshams smin rol pa las/ /legs 'ongs thub bstan pad tshal bzhad pa'i gnyen/ /rje btsun nyin byed dbang po la phyag 'tshal/ /dang po la/ de la rje btsun dam pa 'di'i rigs phun sum tshogs shing gzhan las khyad du 'phags pa'i che ba ni 'di ltar/ 'jig rten na rgyal rigs dang / bram ze dang / rje rigs rnams che bar byed pa la/ de rnams kyi nang nas mchog tu gyur pa rgyal rigs/ de las kyang mchog tu gyur pa shAkya'i rigs de la re zhig na rgya gar du rgyal po skya seng la bu mig bya ltar mas nas 'gebs pa/ sor mo dra bas 'brel ba mtshan dang ldan pa zhig bltams/ mtshan mkhan la bstan pas/ 'dis yang na dgra thams cad 'joms/ yang na yab kyi rgyal rigs 'phrog zer ba la/ ha cang ya 'ud du gyur nas bdag tu ma bzung bar 'bangs ri khrod pa rnams la sbyin/ de dag gis gsos pa na khong rnams kyis zos pa'i lhag ma mi za/ nags tshal rnams kyis grib bsil dang rlung skyobs sogs byed/ bya dang spre'u la sogs pas shing tog 'bul/ gar gnas su 'od khyil le yong ba sogs bsod nams dang ldan pa'i rnam 'gyur du ma byung / khong cher skyes nas nga su'i bu yin dris pa la/ lo rgyus bsnyad pas thugs phyungs nas nags dang ri la sogs pa gcig nas gcig brgyud cing / 'khyams pas yar lha sham bu'i mgul du phebs/ de nas shel brag gi rtser byon/ de'i