[A:8]kyi 'byor pas 'phongs pa'i 'gro ba rnams la chos kyi dpal 'byor phun sum tshogs pa sbyin par byed pa'i chos kyi sbyin bdag chen po/ mdo rgyud dgongs 'grel dang bcas pa'i mnga' bdag tu gyur te/ mkhas grub kun gyis bsten pa'i gnas su gyur pa/ rgya bod gsung rab mtha' dag gi glegs bam/ mdor na dge legs mtha' dag bskrun par mdzad pa'i bdag nyid/ rje btsun bla ma dam pa 'di'i rnam par thar pa rdo rje 'chang dang dbyer ma mchis pas ji lta ba bzhin su zhig gis brjod par nus/ 'on kyang gdul bya tha mal pa rnams la ji ltar snang ba'i tshul mdo tsam zhig brjod par bya ste/ mkha' 'gro chos skyong rnams kyi snang ba stsol zhig /de yang mnyam med shAkya'i rgyal po'i phan bde'i 'phrin las bshes gnyen dam par sprul sku'i tshul bstan pa/ rje btsun mai tri don grub rgyal mtshan dpal bzang po'i rnam par thar pa 'di la don bdun te/ 'gro ba lha mi rnams kyi bkur gnas su 'os pa'i slad du cho rigs dang ldan pa sku 'khrungs pa'i tshul/ 'khor ba sdug bsngal gyi rgya mtshor gzigs nas mi rtag pas thugs rgyud bskul te dam pa'i chos sgor zhugs nas bstan pa'i rtsa ba tshul khrims ji ltar nos pa'i tshul/ yongs 'dzin dam pa rnams dang mthun par dge ba'i bshes gnyen bsten te thos bsam gyi sgro 'dogs bcad pa'i tshul/ thos bsam gyi sgro 'dogs bcad pa'i don rnams rtse gcig tu nyams su bzhes pas thugs rgyud la lung rtogs kyi yon tan bsam gyis mi khyab pa 'khrungs te snying po'i don blangs pa'i tshul/ rang smin nas gzhan skal ldan gyi gdul bya rjes su gzung ba'i tshul/ rtag 'dzin bzlog nas 'phrad par dka'