[A:137]bsngo rgyas pa dang bcas pa/ so so'i bskang bshags/ gtor sgrub rnams thun gnyis/ bsil gtor brgya rtsa dkar cha bzhi dzam ser nag gi chu sbyin sogs spros bcas kyi rim pa du ma zhig mdzad la/ de thams cad kyang snang stong zung 'jug gi mnyam rjes dbyer med kho na'i ngang nas mdzad cing / khyad par mtshan mo'i cha la sku lus gnad dang bcas nas rim gnyis zab mos dus 'da' bar bzhugs pa las mnal cung zad tsam yang mdzad pa'i skabs med par chu bo rgyun gyi rnal 'byor las nam yang g.yo ba med par bzhugs pas nyin mtshan dus 'da'/ de nas rje nyid dgung lo bzhi bcu zhe bzhi bzhes pa'i sbrul lo mnyan yod bya gshong gi chos grwa chen por 'dul ba 'dzin pa chen po 'jam dbyangs sangs rgyas rgyal mtshan gyis mkhan po mdzad de mkhan slob grangs tshang ba'i dbus su bsnyen par rdzogs par mdzad de/ bcas dang rang bzhin gyi nyes ltung phra mos ma gos pa'i gnas brtan chen por gyur pa de nyid lung dang rtogs pa'i yon tan du mas thugs rgyud gtams pa dang / 'gro ba kun gyi skyabs mgon gyi 'os su gyur pa/ rdo rje 'chang mkhyen brtse'i dbang phyug gzhan snang gzugs kyi sku bsdus pa'i tshul bstan pas/ de nyid kyi skus 'dul bar mi 'os pa'i gdul bya'i lhag ma rnams skyong ba dang / snga mo dpal sbug tu tshar chen rdo rje 'chang la gsung ngag rin po che gsan pa'i skabs su yang / gsung chos zhu ba po thams cad tshogs kyang / rje 'di phebs pa cung 'gor ba byung tshe tshar chen nyid kyi