[A:138]bka' las/ drung pa 'dis bstan pa la phan pa 'dug pas/ sgug dgos gsung ba dang / rje bla ma mkhyen brtse'i zhabs dpal sbug ri khrod du gzhi bsnyen gnang skabs mnal lam gyi rnam par dpal sbug gi bzhugs khri'i steng na pha bla ma tshar pa rje bzhugs/ gsung ngag bskyar nas gnang rgyu yin zer/ zhu mkhan mang po tshogs 'dug pa la bslab gsum pa gsal po 'dug /gzhan ngo shes pa mi 'dug gsung ba sogs don la tshar chen rdo rje 'chang gi thugs kyi yang snying gzhan gyi spyod yul du ma gyur pa'i gsung ngag rin po che'i srog shing dam par 'gyur ba'i ma 'ongs pa'i lung bstan du 'dug cing / gsung las kyang nged kyi slob ma sde snod dang rgyud sde'i don smra ba slob dpon bslab gsum pa zhes thugs kyi sras gcig pu ltar bur dgongs pa mdzad cing / yab sras de gnyis kas don gyi rgyal tshab tu dgongs pa bstad cing / snyan brgyud kyi mnga' bdag chen por bzhugs pa sogs nas/ bstan pa'i sbyin bdag gnas gsar ba 'a zhwa nam mkha' phun tshogs yum sras btsun mo blon 'bangs dang bcas pas/ dad pa dang gus pa chen pos gsol ba btab pa ltar zhal gyis bzhes nas/ sbrul gyi lo zla ba bzhi pa'i yar gyi dus tshes bzang po la/ sngon bshes gnyen mu Ta chen pos bdag gir mdzad cing / mkhas grub dam pa du mas byin gyis brlabs pa'i gnas dpal bo dong e'i chos grwa chen po'i gdan sar mnga' gsol te/ de nas bzung ste/ thams cad mkhyen pa nyid kyis ji ltar mdzad pa'i tshul dang mthun par chos kyi