[A:146]mdzad pas/ phal gyis rtogs pa yang dka' zhing / rtogs shing rig par gyur pa thams cad brjod kyang skye bo log rtog can dag ci zer du zad pas re zhig de tsam mo/ /de nas byi lo dus kyi zing log chen mo byung ba'i skabs su rje nyid kyang re zhig ngor du phebs/ de nas zha lur phebs nas 'jam pa'i dbyangs bkra shis rgyal mtshan la gsung chos du ma zhig kyang gsan zhing / der bzhugs kyi dad ldan 'ga' zhig la gsang 'dus rim lnga dang / nA ro mkha' spyod kyi 'khrid sogs rang rang gi blo dang mthun pa'i chos kyi rnam grangs du ma zhig gnang ba'i skabs su/ gter ston rigs 'dzin chen po byang gi theg mchog gling du bzhugs skabs sde srid bkra shis stobs rgyas pas gsol ba btab nas rdzogs pa chen po dgongs pa zang thal gnang bar zhal gyis bzhes nas/ rje 'di pa gdan 'dren pa'i pho nya dzo ki zhig la 'phral du phebs dgos tshul gyi bka' 'phrin yig dang bcas 'byor ba dang / de mthun rje nyid kyang stod phyogs su phebs par brtsams 'phral du chibs kha bsgyur/ yar lam 'dar grang mo cher phebs nas/ tshar chen rdo rje 'chang gi sku gdung rin po che mjal/ phyag mchod smon lam rgyas par mdzad de skabs 'dar mkhan po rje drung chos dbang rin chen dang / mtshungs med bla ma dam pa klu sgrub rgya mtsho gnyis kyi bka' chos du ma gsan pa'i gsol 'debs kyang mdzad/ de nas theg mchog tu phebs nas gter ston chen po nyid la rdzogs pa chen po zang thal cha lag yongs su rdzogs pa dang / gzhan yang zab chos du ma zhig gsan nas tshur rim gyis phebs te jo nang gi gnas mjal kyang zhib