[A:147]par gnang / de skabs su sngon gyi gnas dran pa yang der 'dus rnams la gsal por gsungs te/ 'di na kun mkhyen chen po'i phyag rjes dang / zhabs rjes 'di dang 'di 'dra lta bu yod pa dang / mdun ri 'di spang rir yod pa la mi 'dug gsung ba dang / sngon rje 'di kun mkhyen chen po dang / 'jam dbyangs sgeg pa'i slob ma rag 'khrom pa kun dga' dpal du gyur te jong nang du bzhugs/ res skyo bsangs la phebs pa'i lha brgyad shol rags zer ba'i klu sdings shig yod pa yang phyis su med 'dug pas/ nged kyi lha brgyad shol rags kyang mi 'dug gsung ba sogs sngon gyi gnas thams cad gsal ler dran pa byung 'dug cing / de nas gtsang gzhung brgyud nas phebs skabs su/ mi la las sngags pa/ la las bla ma bgres po dbu dang zhal rgyan sogs dkar por yod pa'i rnam par mthong / la las rab byung dang gzhon du mthong ba sogs skal bar ldan pa'i mi de dag la rnam 'gyur du ma zhig ston par mdzad cing / rim gyis bo dong gi sgrub sder phebs nas bzhugs pa'i skabs shig tu sku drung na yod pa rnams la theg mchog tu/ rig 'dzin chen po'i gsung las/ mkhan chen pa dang nged rang mgyogs par 'phrad yong gsung gin 'dug pa ci yin gsung / zhing khams gzhan du phebs pa'i gsung gsal po gnang 'dug kyang / sngon thub pa'i dbang po la kun dga' bo bdud kyis byin gyis brlabs nas gsol ba ma btab pa ltar/ der 'khor rnams kyi mi lod dam zhu ba las brtan bzhugs kyi gsol 'debs sogs zhu ba'i blo gros can ma byung 'dug /de nas zhing 'di'i gdul bya rnams kyi bsod nams kyi