[A:149]du mas klubs nas mchod tshogs rab 'byams kyi dbus su bzhugs su gsol te/ der 'dus pa rnams kyis gsol 'debs la brtson par mdzad/ slar thugs dam grol ba'i tshul byung ba dang / chos rje rig pa'i gter mdzod kyis dpal kye rdo rje'i dkyil 'khor gyi steng nas zhugs 'bul gyi cho ga mdzad bas yun yang ma 'gor bar skad cig la zhu thag chod/ zla ba de nyid kyi tshes gsum nas brtsams te dgongs pa rdzogs pa'i mchod 'bul rgya chen po bsgrubs/ rin thang med pa'i gdung rus la dri zhim po'i chus khrus gsol zhing lha rdzas kyi na bza' dang bcas nas rin po che'i za ma tog tu spyan drangs nas mchod tshogs du ma'i dbus su bzhugs su gsol/ slar zhal phye ste gdung phal che ba ni chu shel ltar dngas pa'i gdung log kho nar gyur/ yungs 'bru lta bu'i ring bsrel ni dpag med byon zhing / dad ldan skal bzang 'ga'i phyag tu byung ba la/ nA ro mkha' spyod dang / spyan ras gzigs bcu gcig zhal gyi sku sogs gsal bor byon zhes thos/ de nas gdung phal che ba rnams gdung tshar btab/ gser mtshal la sogs pa yid du 'ong ba'i tshon dang lha rdzas kyi na bza' dpag med kyis spras pa gtso bor gyur ba dang / gzhan yang gzungs dang / ring bsrel dpag med las bgyis pa'i rje nyid kyi sku 'bag 'dra mtshar mi tshad tsam zhig bzhengs te rab gnas kyang rgyud sde dang mthun par mkhas btsun dam ba rigs pa'i gter mdzod kyis mdzad cing / bo dong gtso bor gyur pa'i sgrub sde de nyid dang / ram sdings ma sogs su dgongs