[A:148]skal pa zhan pa dang / rje nyid kyang zhing khams gzhan du gshegs pa la lhag par dgyes pa dang / le lo can gyi rmongs pa rnams brtson pa bskyed pa dang / rtag 'dzin can rnams kyi log par rtog pa dag gsal ba dang / zhing khams gzhan gyi gdul bya dus la bab par mkhyen te rnam pa gsung 'cham zhal shor ba lta bu'i nyer len byas cung zhig bsnyung ba'i tshul bstan/ de skabs 'od gsal gyi rtags du ma gzigs pa drung na yod pa rnams la khyed rnams kyis e mthong gin 'dug a pha 'di 'dra'i ltad mo gsung / phyag phyi ba rnams kyis ci lags zhus pas/ pha rig 'dzin chen po'i sku drin la 'od gsal gyi rtags rnams shar bar 'dug gsung / gzhan yang ngo mtshar ba'i ltas du ma dang bcas glang lo zla ba bcu pa'i tshes gsum gyi nam gung tsam gyi mkha' 'gro 'du ba'i dus kyi cha la zhing 'di'i mdzad pa bsdu ba'i tshul bstan te/ bla ma dam pa rnams dang / rgyal ba sras dang bcas pas sngon nas bsus/ lha dang drang srong grub pa rig 'dzin rnams kyis mdun nas bdar/ 'jig rten skyong ba rnams kyis zhabs nas 'deg /lha dang lha mo'i tshogs kyis 'ja'i gur 'phub/ me tog bsil bu'i char 'bebs/ gzhan yang lha rdzas kyi gdugs dang / ba dan dang / rgyal mtshan la sogs te mchod tshogs bsam gyis mi khyab pas mngon par mchod bzhin pa'i ngang nas gzhan snang gzugs kyi sku nyid chos dbyings bde ba chen po'i dbyings su bsdu ba'i tshul bstan par mdzad do/ /de nas gzhal du med pa'i sku gdung rin po che la dri zhim po'i chus khrus gsol/ lha rdzas kyi na bza'