[A:127]dbang phyug chen po/ rdo rje chos skyong bran du 'khol ba'i mthu stobs kyi mnga' bdag /dkyil 'khor thams cad kyi gtso bo/ /rigs thams cad kyi bdag po/ khyab bdag rdo rje 'chang chen po/ bdag cag gi 'dren pa dam pa/ don gyi slad du mtshan nas smos na/ rje btsun rdo rje 'chang chen po bslab gsum bstan pa'i rgyal mtshan dpal bzang po sku drin mtshungs pa ma mchis pa'i zhal snga nas kyi zhabs kyi rtogs pa brjod pa'i gtam/ byin rlabs kyi chu gter g.yo ba zhes bya ba/ rgyal ba'i bgrang yas rnam par thar pa ni/ /sa bcu'i sems dpas brjod par mi nus na/ /bdag lta'i blun pos brjod par ga la nus/ /'on kyang dad dang gus pas yid drangs shing / /rtsa brgyud bla ma'i rtogs brjod kha skong du/ /nyung zad brjod la'ang dge tshogs dpag med ces/ /tshul 'dir zhugs la bla ma mkha' 'gro yis/ /bdag gi ngag la spobs pa mchog stsol mdzod/ /de la bla ma dam pa 'di nyid zhing 'dir sku bltams