[A:264]sems can gyi don rab 'byams ci nus byas/ ri khrod nyid dang dgon gsar chos lung sogs su lo gnyis tsam bsdad/ mdor na chos ldan gyi bya ba gang yod ma gtogs 'jig rten gyi re ba med pas skyid pa'i rang ngo shes pa zhig byung / de nas glang lo re gsum pa la rgyal ba gnyis pa rje btsun rdo rje 'chang bka' drin mnyam med mkhyen brtse'i drung gi sku'i dpon dang chos kyi bur gyur pa'i dbon rin po che phebs/ chos 'di 'dra dgos gsung pa rgya mon gyi gnas tshul yin pas 'bul nus pa'i na ma med zhus pas ma gsan/ 'on kyang rje btsun nyid kyi gzigs pa la khrel ba byung na mi rung snyam len sprod pa la dang len byas/ zla ba gsum pa la dbon nyid dgon gsar du bzhugs/ bdag gis mtsho sgo rnam rgyal gling la phyin/ sde par thugs bzhed yod pa'i dbang rjes gnang sogs ci grub byas/ sku rim la gshin rje gshed kyi las tshogs bzhi yod pa'i nang nas gtor ma'i las tshogs drug cu rtsa bzhi'i gtor bzlog cig byas skabs/ phyag len rnams la ngor pa'i dkyus ma rnams dang cung mi 'dra ba snyan brgyud zhal shes kyis brgyan nas byas pas skyon 'dzin 'dod pa'i rang mthong can mang po gda' ste khong brgyud chad pa'i pi wang ltar gyur to/ /de nas mgyogs bskor byas dgon gsar du sleb/ tshur lam mtsho bar brgyud nas 'ongs pas ma rung rkyen ngan du mas gar byed pa'i gangs dbar glang gling gi stongs la srung ma'i dbang po gur mgon nyid kyi sprul pa'i pho nya ru 'dren dang bcas pas mngon sum lta bur bsu ba byung zhing / gsol ja pa g.yu rgyal sogs