[A:265]skyel mi mang dag yod pa kun gyis bya nag zung sprel gyi lding skor gshog sgyur byed pa skad kyi rnam pa mang dag byed pa sogs bdag la dga' ba'i rnam 'gyur byed pa mthong bas khong rnams mgrin gcig tu bgros pa la mgon po'i phebs bsu yin pa 'dug zer ba yang byung / gang ltar de nas bzung dbon drung la zla ba brgyad kyi bar la 'jig rten gyi zhabs tog lhod med dang / phyag g.yog rnams la'ang 'dod rgu gang 'byor byas kyang re 'dod khengs pa zhig ma byung / gang ltar chos kyi thugs bzhed nyin mtshan dal med phul bas thugs yid gcig tu 'dres pa'i ngang la mdzad/ lhag par phebs pa'i dus sku tshe'i rten 'brel legs tshogs spel ba'i phyir 'chi med lcags kyi sdong po'i tshe dbang zhig phul bas/ lo rgyus dang dngos gzhi'i mtshams su sleb pa tsam nas tshe chang nyid chil li lud byung bas byin mangs bzhes song / byin la ril bu byas phyag tu yod pas sku tshe'i bar chad thams cad zhi zhing gong 'phel du 'gro ba'i rten 'brel mang dag 'grig song / de nas dpon slob rnams shar la thegs/ rang yang snang zos ci bder bsdad/ de nas re bzhi pa stag lor ri khrod du bsam gtan gong 'phel byas bsdad skabs sa bdag klu nyid khros pa'i rims mi zad pa 'brum pa de 'gom thor ba 'dug /bsam 'grub mthong smon pa zhes pa'i byis pa zhig la byung bas/ yul dang sde pa nas spyugs pa'i dgongs pa gnang ba la/ thog mar byung ba 'di shin tu yang ba zhig kyang yong / lhag par cha zhabs su byung ba la ming bkra yang shis pa 'dug bas ma