[A:270]dam po byas bsdad/ bdog pa'i dngos po thams cad dam pa dge 'dun gyi phyag tu phul ba 'og tu 'chad/ de nas rje btsun dbon drung dang / chos rje byams pa shAkya blo gros/ chos rje ngag dbang pa/ chos rje dkon mchog legs 'dzin sogs kyis dbu mdzad khams pa'i slob bu gsum tsam dang bcas pa'i chos 'dod thams cad so sor tshim par byas/ skabs 'gar rtser yang phyin/ yi dam 'ga' re'i dkyil 'khor du sgrub mchod bdag 'jug brgya tshar sogs mang po byas kyang gong du brjod zin/ re bdun pa sbrul lo yang de skabs dang mtshungs pa'i dge sbyor 'phel la bla ma dgyes pa'i thabs la yid ches thon pa zhig byung / 'on kyang dgon gsar na rje btsun 'jam pa'i dbyangs kyi nyer gcig gi sgrub mchod skabs mtsho sgo nas dpon sa shin tu bsnyel ba yod pas yong dgos zhes nan tar dang / yum chen drung gis 'gro dgos nan chags byung bas sgrub mchod kyang bor/ mgyogs bshad rang phyin/ de nub gzims mkhar du bsdad/ 'jam dpal zhal dgu'i rgyud sogs kyi be bum bskur nas de 'phral go chod kyi mi btang / de dang lhan cig tu bstan srung rgya mtsho'i gtso bo 'chi bdag gshin rje gshed de yang rgyud kyi rjes 'brengs nas be bum sleb 'phral dngos su bar chad kyi mtshan ma thams cad skad cig la zhi nas bde khyad yod nges byung 'dug /sman pa dang kho rang tsho'i mchod 'os rnams kyis mi mi yong bar thag bcad 'dug mod/ bdag sleb nas snyung ba ni srung ma dang be bum gyi byin rlabs kyis grol 'dug /rkang pas dbu la bzhag pa tsam byas zhag gsum song nas sor chud/ sman pa sogs cung