[A:271]zad bskyengs pa lta bus dad gus tshad med mdzad pa byung / de nas dpon sa/ sde pa chos rje sangs rgyas rgyal mtshan pa dang bshes gnyen dad gus mang po la nA ro mkha' spyod kyi zab chos ma lus par phul/ dpon sa'i drung gis gser sogs dngos po'i gnang ba dpag med byung / de lo dpon sa nyid der mi bzhugs pa'i gnas tshul lcag bskul sogs gong nas 'di ltar mdzad na mi legs mang dag cig car nas labs pas shin tu ma mnyes/ 'o na ji ltar 'os mkhyen pas gzigs byas/ kha 'jug spangs/ mdzad tshul 'jig rten phyi mo'i dper gnod pa zhig dang ngos rang la skyon 'gyur cung zad byung song / gang ltar tshur lam bong chu gtsang po zhes chu bo chen po de la bye 'dam shin tu che ba yod pa dang / lhag par yul de'i gnas bdag thams cad rjes la 'brang dogs mang po 'dug pa khros pa'i tshul gyis chu bo'i 'jing du sleb pa na bdag gi rta de nyid bye mar cung zad bying ba dang chu de yang rba rlabs dang bcas nye ba na 'phags pa spyan ras gzigs kyi nga rgyal bzung chu bo de 'o ma'i bdud rtsir byin gyis brlabs nas gnod byed rnams la byin pas nged rang la gnod pa lta ci 'khor bcas tshu rol du skyon med du sleb/ de nub sri sham zhes pa'i ne gsing bde mo skyid skyid 'dra ba der bsdad/ dgong thun la zhugs pa tsam nas char pa'i rgyun yang cher babs/ de nub rmi lam na bud med sngo sangs rgyan sna tshogs kyis spras pa zung zhig ras dkar chu 'dzin gsar pa'i phung po ched du byas pa lta bu zhig phyag dang bcas phul/ nged la byin rlabs zhu zer bdag la mgo bo btsugs nas cung zad nongs