[A:163]gzhan rnams la yang lo legs kyi 'bru tshogs gong 'phel kho na byung / de skabs shangs kyi nang so g.yang chen pa'i bu mo bud med kyi skyon kun spangs pa de nyid shangs kyi 'ba' rar rab tu byung / ser bsrung la bzhugs dus/ pha mes brgyud pa'i srung ma des bdag lta bu yong ba'i rten 'brel yin nam gang ltar khong gi blo sgul/ chos rje kun dga' rin chen pa la dad pa dang spro ba tshad med byung 'dug pas/ btsun ma des bsnyen bkur tshad med byas/ lhag par 'o skol gyi 'dren pa yang dag zhus/ slar gser mdog can la phebs myug pa rab 'byams pa/ gnas kyi slob dpon ston pa bzang ba dang btsun pa'i tshad thub pa zhig yod pa des khyod la g.yang du khams dngas po dang skyid po e byung gsung gin 'dug pas/ khams dngas po dang skyid po rang byung lhag par g.yang chen pa'i btsun mas 'o skol sogs kyi ster sbyin mang po byung zhus pas/ a li a li chos rje la 'o skol 'dren don ye med do gsung byung bas/ ngo shin tu tsha ba ngo lpags da lta zhus 'gro ba snyam byed pa byung gsung / de lta bu'i mdzad pa ni kha phyir ltas rnams kyis bsams na cir 'gyur mi shes/ nang don legs skyes ma'i bu mos/ bcom ldan 'das la ba mchog stong gi 'o skol btus nas zhus pas sku lus gser gyi bstan pa phyis pa ltar song zhes pa dang / yang dbang bzhi'i skabs su gsang dbang gi sta gon gyi dong du yang byed pa ltar/ de dus gsang dbang zhig thob pa ka 'dra/ gang ltar nyer bzhi pa la gong du smos pa ltar yon tan du ma dang ldan pa'i g.yang chen pa'i bu mo chos 'dzom rgyal mo zhes pa rdo rje btsun