[A:275]zad do/ /de nas re dgu pa lug lo zla ba bcu gcig pa la snga dar gyi gtsug lag khang sras bcas rgyal bas brten pa'i ru lag rgyang gi lha khang la grub pa mchog gi 'khor lo sgyur ba thang stong rgyal po'i dbon rje ngag dbang blo gsal bstan pa'i drung gis zhig gsos gnang zhing grub pa'i rten rnams la rab gnas mnga' gsol la yong dgos gsungs nas phyin/ tshes bcu'i mchod pa dang bstun cho ga yang bsam yas su ayon nyid kyis mdzad pa ltar rgyal ba mchog dbyangs la gnang / de nyid kyi skye mtha' sprul sku tshe brtan rgyal mtshan gyi mon chu sbug gi mkha' 'gro lA se gar byed pa 'dra ba'i gsang gnas nas spyan drangs pa'i bde legs lhun grub kyi steng nas tshul bzhin du byas/ zhi khro yongs rdzogs kyi mnga' dbul grub 'phral nged rang rig pa mi non pa'i zil bun ne byas pa zhig byung bas rig pa mnan pas ayon bla ma mkhyen no snyam pa byas pas rten gtso'i gtsug nas 'od kyi rnam pa khra bun ne ba zhig byung / me tog rgyas par gtor/ spyi sgos kyi bstan pa rgyas pa'i smon lam rgya cher btab/ nged rang gis rab ston rgya cher bsgrubs/ de nas slar ri khrod du ci bder gnas skabs nas zhal ngo rnams la dbang rjes gnang sku srungs kyi 'khor lo sogs rgyas par bsgrubs/ sprel lo bdun cu pa zla ba gnyis pa la mtsho sgo la khor tsam phyin mgyogs skor byas ri khrod du sleb/ rje btsun mkhan drung sku khams shin tu bsnyel ba zhig 'dug zer/ de thos nas sems la bde ba'i go skabs ma byung ba dang / lhag par dam pa nyid mi bzhugs pa'i ltas du ma