[A:276]'dug pa nas ji ltar drag snyam pa byung / gzhan ma ni bdag lta bu la gleng sa med/ cung zad smos kyang yid ches kyi gnas bral/ 'on kyang phran bu zhig 'jig rten gyi mes po dam pa rje 'di nyid sogs la mi phyed pa'i dad pa can skyid mo gshongs pa dar chen pa la/ rje nyid kyi phyag na ci yod kyi rgyu dngos rnams phyed mar btang ba'i cha gcig chos sde chen po sogs kun la gnang na bla ma rin po che zhing khams mi brje ba bdag gis khag theg /de ltar ma gnang na da lo mi bzhugs pa 'dug go byas pas/ rang nyid rgyal ba'i bstan pa dang / bstan 'dzin gyi dam pa la lhag bsam dad pa ltar kun la yong ba dka' ba dang / rgyal ba'i bstan pa dang lhag par snyan brgyud kyi bstan pa dpal kha'u brag rdzong pa'i bstan pa nyams pas kun kyang blun/ de nas 'jam pa'i dbyangs kyi nyer gcig mchod kyi sgrub mchod la dgon gsar du phyin/ sgrub mchod kyi sta gon grol skabs/ sde pa lhun chen drung gis skyabs mgon dam pa zhing gzhan du gshegs pa'i gshis tshul ngan pa'i phyag dam gsol 'debs kyi rten gnang srung 'khor ched gtad dgos tshul gyi gtam sleb pa na snying mi dga'/ thos pa bas kyang ba spu ldang / e ma snyigs dus kyi bstan pa nyams pas sems can gyi bde skyid ma lus par rdzogs 'dug go /de 'phral sgrub mchod pa rnams la thos mchod kyi mang ja ci yod sgrub/ sde par dam pa de nyid ma bzhugs phyin gsol 'debs la 'bung ba ma gtogs thugs ngal gyi rgyur 'gro ba spu tsam mi gnang ba zhu/ lar yang mchod yul gong ma nyid ma bzhugs pa'i rjes la sbyin bdag gtso bo la ngan