[A:281]byas/ mkha' 'gro chos skyong rnams sprin bzhin du 'du ba'i gnas ru mtshon gyi rten rnams cung zad rnyings pa'i skyon 'dug pa rnams la ji ltar 'os pa'i rten rnams rgya cher gsar du spos nas gtsugs pas chos srung dam can tshogs kyang mnyes pa'i dge mtshan du ma snang / rje btsun 'jam pa'i dbyangs kyi dus mchod la pha rgyud kun gyi yang snying rdo rje 'jigs byed kyi sgrub mchod kyi rgyun btsugs pa'i cha rkyen du rgyu dngos gang yod de steng du spungs nas mchod pa'i rgyun mi nub par btsugs/ de nas don gnyis pa khyi lo dge sbyor gang 'phel skabs gzhan phan gyi ban ling kho na'i dus zla ba dang po la rdo rje 'jigs byed kyi rwa 'khrid nyid rgyas par 'chad skabs/ gdams pa 'di'i spyod yul du ma gyur pa'i gang zag skal dman kha re 'dug pa la/ lam 'di'i bdag po snying nye la bka' nyan pa chos kyi rgyal po de nyid cung zad khros pa'i nyams kyis/ rang nyid la bzlog pa'i rnam pas khams shin tu nyog pa kha bdar ba'i skyon gyis mgrin pa yang 'gags pa'i tshul gyis go skabs dog pa tsam byung bas grol ba rigs 'dra zhes pa'i nye gtam byed mi mang po byung / de 'dra ma zer chos srung 'di ma mnyes pa'i rtags su 'dug /lar chos byed mkhan yin pa la shi na yang legs pa yin/ mi tshe chos la bskyal ba'i don de ga yin mod byas/ 'tsho byed nyid kyis phul du ma phyin pa'i 'bras bu nad ngo de yang cher mi zin pa zhig 'dug pa dang / lhag par chos srung de dang lha mo nyid kyis rmi lam du khyed rang 'o brgyal mgyogs par blo la yod pa'i 'tsho