[A:282]byed 'bod pa zhu/ nged kyis 'phrin las ci nus sgrub zhes pa'i za zi la gnyid kyi rnam pa dwangs/ nged rang gi blo gtad bcol ba'i sman pa de nyid 'phral du spyan drangs pa'i nus pa dang / mkha' 'gro chos srung gi byin rlabs kyis da bar gnas pa lags/ de dus kyang 'gro dgos pa'i ltas log pa byung yang bgegs de nyid dgyes pa'i 'byor pa thams cad med par byas pas don thams cad de gas tshim song / chos de yang gegs med du grol chos srung rnams la bskang bshags kyi btang rag brgya tshar gyis mnyes par byas/ de nas sgrub thabs brgya rtsa sgrol ma nyer gcig sogs kyi rjes gnang gis don gnyer thams cad so sor tshim par phul/ zla ba bcu gcig pa'i tshes brgyad la chos kyi rgyal po sku mched kyis mthun rkyen phul du phyin pa'i mthun sbyor gnang / lhag par ayon bla ma'i bstan pa la 'jam dpal nyid ched du mi'i gzugs 'dzin pa khri srong lde'u btsan gyi brtul zhugs 'dzin pa dgra 'dul drung gis sgrub pa chen po bka' brgyad kyi rtsa sgrub sogs rnying ma'i bstan pa gsal bar byed dgos zhes ched du bskul nas sgrub pa chen po'i steng nas sman sgrub ril bu sil ma dang gong bu sogs yong gin 'dug kyang / gong bu'i sgrub pa zla ba lhag tsam bde gshegs bdun brgya nyi shu'i bsnyen pa dang lhan du bsgrubs pas/ zhag bcu gnyis tsam song ba na dri bzang gis sgrub khang kun gang ba dang / dam rdzas kyi sman rag gtor gsum rnams kyang dri ro phun sum tshogs pa dang mar me'i rgyun gcig gis nyin mtshan lnga tsam thub pa dang / gzhan yang zhag nyi shu song ba'i nyi ma snga phyed tsam la gnyid