[A:289]dpa' gzhom pa la dmigs nas nyis brgya 'thor ba/ sgrub po bdag sogs mtha' yas pa'i sems can thams cad kyi sgrib gnyis bag chags ngan pa sbyangs te 'khor ba rgyun gcod pa la dmigs nas sum brgya dang bcas pa bsgrubs/ de bar la bza' ba dang btung ba'i bye brag gnang ba po ni nam mkha'i mdzod la longs spyod pa ltar nyin mtshan khor yug tu byung / de sbyor ba po thams cad po ta la sogs phyir mi zlog pa'i zhing du skye nges kyi nges 'drongs byung ba yin/ 'phags pa'i g.yon gyi 'og ma'i padma la de kun gnas pa 'dug pas 'khor ba'i skyon gyis ma gos par go /dkyil 'khor de nyid du rtsa ba'i dbang dang / des smin pa'i skal ba bzang po'i rgyal 'bangs ji snyed la sgrub dbang shin tu rgyas pa ril bu'i dbang dang bcas pa bsgrubs/ ril bu la 'phel rgyas sgrub gzhung gi thog ma byung ba dang / mthong bas yid 'phrog pa dri bzang gis gzhung stod du ma khengs pa dang / des mtshon pa'i dge mtshan dpag par dka' ba dang / 'di nyid myong bas grol ba'i rtags mtshan du ma dang / ring bsrel gyi tshogs kyang mthong bas grol ba yod do/ /de nas zla ba bcu gcig pa'i nang du dbon rin po che khor pa phebs byung bas thugs bzhed kyi don ma lus par blo nus kyi rig pa rtsal dang bcas pas bsgrubs/ 'di tshor rten 'brel bsgrig pa yin pas sbyong dkyil bcu gnyis kyi gtso bo kun rig rnam snang gi dbang ji ltar 'os pa'i gdul bya 'di rnams la stsal ba dgos zhus pa ltar bka' drin bskyangs/ de nas nged rang shul du bor shar phyogs la thegs song bsam pa'i re ba 'di'i phyogs nas