[A:290]ma rdzogs pa zhig yod do/ /de nas don lnga pa glang gi lo dge sbyor nyin mtshan dal med byed skabs bsam pa'i blo la 'khu 'khrig 'di ltar shar/ sngar nas chos bshad pa thams cad kyi bstan pa la phan thogs yod pa dum pa tsam las mi 'dug /bstan 'dzin gyi skyes bur nges pa kun kyang dpon po'i ngo gang zin dang 'du 'dzi su che gtso bor 'don/ de la brten sems can gyi bde skyid rnams kyang je lod 'gro bar 'dug /ri la gnas pa'i sgom chen pa rnams kyang 'ga' zhig ni 'tsho bas 'phongs 'ga' zhig ni ri khrod mi 'dzin par grong yul khyi ltar bskor/ 'ga' zhig ni g.yo rgyu dang zog gi 'khor lo rgyun mar bskor nas sems can mang po bslu/ e ma bla ma yab sras rnams ni ma bzhugs/ 'di 'dra'i dus ngan zhig snyam lus sems ngal zhing sgyid lug la yi mug pa zhig byung / 'on kyang sngon gyi dam pa rnams kyis 'gro ba'i bde skyid la dgongs/ yul dang yul gru thams cad du gtsug lag khang mchod pa'i rten dang bcas pa bzhengs 'dug nga rang la yang pha bla ma rdo rje 'chang blo gsal rgya mtsho'i bstan pa 'di la dar rgyas shig kyang e yong snyam pa dang yul phyogs 'dis gtso byas yangs pa'i rgyal khams su 'gro ba'i bde skyid la phan la re ba'i lhag bsam skyes nas/ gtsug lag khang rten dang bcas pa'i phyogs su lus dang longs spyod thams cad spungs nas bzhengs pa ni zla ba lnga pa'i tshes gnyis la rgyal phur dang bstun rmang 'ding ba nas bkra shis mnga' gsol man chad zla ba phyed lnga'i khongs su yongs su rdzogs par grub pa sogs rgyas par 'og tu bkod/ de skabs mi ngan kha re dang phrad pas lan