[A:291]pa yin nam/ zhabs drung mkhyen brtse'i drung cung zad ma mnyes pa'i rtags mang po byung / ma babs ro zas 'di dang ma bral bas yin pa 'dug /gang ltar lus srog bdog pa thams cad dang / phyi nang ma lus pa bran du phul nas ci mdzad legs nyes thams cad khyed rang shes snyam thugs rje la re ba 'di yin no/ /zla ba bcu gnyis pa'i tshes bcu'i snga dro gnyid kyi rnam pa thungs pa byung ba'i rmi lam na ayon bla ma da lta bris yod pa 'di lta bu'i sku'i cha lugs byas pa bar snang 'ja' tshon gyi rnam pa khra shig ge ba'i khrod nas mi tshad gsum 'gyur tsam byas pa zhig gi mdun na/ rje bla ma mkhyen brtse nyid sngon gyi sku'i tshul la pad zhwa phod ka bzhes pa zhig 'dug pa'i zhal nas/ mchod pa'i dge tshogs dpag med mchis na yang / ayon rje la 'dud pa'i mchod pa de/ /ji srid mchog la ma reg bar dag tu/ /gus pas dngas len rab tu 'bad pa gces/ /gsung ba lhang lhang byung ba dang gnyid sad/ sngar nas kyang grogs kyi ram bu 'degs pa ni med kyang / rang gis ji ltar nus pa gsol ba btab pa'i 'bras bu 'dug /da dung grogs dam tshig pa phran bu byung na lus ngag yid gsum rtse gcig tu gsol ba 'debs pa dang / lhag par tshes bcu'i mchod pa ma chag pa rgyas par byed pa'i zhe bcad byas/ de nas stag lo don drug pa la rten bzhengs kyi mjug bsdus zla ba bdun pa'i dus mchod rgyas par byas rjes zla skor rtser bsdad/ bstan 'dzin gyi skyes bu gnyis la lha chen nag po zhal bzhi'i gsang 'khrid lus pa med par phul/ de nas dgon gsar chos rje ngag gi dbang