[A:292]phyug sogs la dpal gur gyi mgon po'i dbang rnams yongs su rdzogs pa phul rjes ci bder gnas/ don bdun pa yos bu la lus ngag gi tshe 'di'i spyod pa thams cad rgyang rings spangs nas ci nus su byang chub sgrub pa la rtse gcig tu gzhol/ de skabs rnam dpyod kyi blo gros gzhal du med pa stag na nas chos kyi rje kun dga' blo gros bzang po la gcig brgyud du gsung ngag rin po che yongs rdzogs phul/ mdor na dmigs pa med pa'i sems can rnams kyi don du/ bla ma dang lhag pa'i lha tshogs la khor yug tu dal med gsol ba 'debs pa la brtson pa 'di lags so/ /bzhi pa sgo gsum gyi las don yod par bya ba'i phyir rtag tu bsam gtan gyi kha ton 'chag med byed tshul la/ skyabs bslu med gcig chog rgyal po mkhyen brtse'i dbang phyug gi mtshan spel yod pa mtshan bstod shlo ka gnyis brgya rtse ra/ rnam thar bstod thung shlo ka bcu gcig yod pa nyer gcig re/ dran pas srid zhi'i rgud pa sel ba blo gsal rgya mtsho'i mtshan bstod shlo ka gcig brgya rtsa re/ kye rdo rje'i bskyed rdzogs thun gnyis rtsa sngags brgya phrag lnga re dang / nA ro mkha' spyod kyi bskyed rdzogs thun gnyis yi ge so gnyis stong phrag re/ rdo rje 'jigs byed kyi bskyed rdzogs thun gnyis rtsa sngags brgya phrag re dang / snying po nye snying stong phrag re/ rdo rje nag po chen po'i bskyed rdzogs thun gnyis bod pa stong phrag re/ rbod rbad bsad gsum dril ba'i shA sa na brgya phrag re/ bla ma drag po dmar po dbu dgu pa'i bskyed rdzogs thun gnyis drag sngags yig 'bru zhe bdun pa khri tsho gnyis re/ drag po mthing kha'i bskyed rdzogs thun gnyis