[A:300]nyid kyi gsang ba'i las mgon shu tra nag po'am sangs rgyas kyi gcung por grags pa/ dpal padma dbang chen yang gsang khros pa'i thugs kyi sprul pa dbang gi skyes bu bshan pa nyer gcig gi gtso 'khor gsum gyi sku brnyan/ spyir 'dzam gling bod yul gyi gnas bdag /ayon bla ma'i bsha' sgrub/ sgos rje btsun tshar pa rje'i dam chos phyi nang gi ltos pa thams cad bang mdzod kyi gnyer kha'o/ /nged rang la gnas 'di nyid rtsis sprod dang yul byes kun tu chos dang thun mong gi dpal 'byor rgyas par spel ba'i 'phrin las mdzad pa po gnas kyi dkor srung dam can mgar ba nag po nyid dang / 'dzam gling kha ba can gyi yul bdag bstan srung bstan ma bcu gnyis kyi bdud mo bzhi'i tha chung khyung lung re ma ti dang bcas pa'i srung ma rnams kyi sku brnyan dang / de'i steng du pha rgyud kun gyi yang snying rdo rje 'jigs byed rwa 'khrid mkha' 'gro snyan brgyud kyi brgyud pa rin po che yongs rdzogs dang / gdan sa chen po 'di nyid kyi mkhan rabs kyi sku brnyan dang bcas pa bzhugs yod cing / de rnams kyi steng du gos dar zhe gcig pa'i bla bre na bza' snyan dar dbu snyel bzhugs gdan dang / steng du snyan brgyud zhal shes las 'ongs pa'i thun mong ma yin pa'i ru mtshon rtse lnga pa dang bcas pa tshun legs par bsgrubs so/ /de yang rten gtso'i sku brnyan 'di bzhugs tshul chos kyi dbyings la 'gyur ba med pa'i phyir chos skyong 'di nyid bris 'bur gang bzhengs kyang g.yon du 'gying ba dang bcas pa yod bzhin 'dug pa ltar bzhengs pas/ sangs rgyas kyi phyag nas dngos bzhugs