[A:305]zhugs pa mang po la gegs sel bogs 'don gyi dmigs thun re'am/ rdo rje 'chang nas rtsa ba'i bla ma dam pa'i bar gyi mtshan nas brjod de bgegs la bka' bsgos pas de 'phral bgegs las grol zhing gol sa las bzlog ste mthar phyin/ gzhan yang bzhi brgya rtsa bzhi'i nad dang / gdon nyis stong dang bcas pa'i sner ba la gnyen po gang la gang 'phrod kyi dbang rjes gnang gtor ma sngags chu gsang chu byin rlabs bsrung ba sogs byas pas dngos de kun gyi bdud las grol ba'i 'tsho mdzad sman pa rkyang par bzhugs pa mang po byung mod/ mdor na skyes thog 'di nyid mthong thos reg pa kun gyis mthong bas grol ba 'di ma gtogs yi ger bzhag pas dgos pa med/ da phyin snyigs ma'i dus su 'khrungs pa'i gdon 'di rnams kyi 'gro ba'i lus la ji ltar byas pa yong ngam snyam pa'i zhe mtsher tsam gda'/ gzhan yang 'gro drug gang gis lus rten 'jig pa'i 'phral rkyen de dang de la gnyen po 'phrod pa byung na de dang de min na phyi mar phan pa'i gzhan rkyen stobs chen byas pa ni bgrang ba'i ra ba las 'das/ gnas gang du sdod kyang dus kun nye 'khor du gnas pa'i ser gzugs rnams kyi spyod pa zhi drag ci byed kyang rang rang spyod tshul dang mthun pa'i legs nyes thams cad rang gnas su tshang bar byas te bde ba'i ngang du lhod de bzhag /gzhan yang tshe 'di'i spun du gyur pa'i ming po de nyid lo nyer lnga pa la pha rol tu phyin/ bdag dang las kyi 'brel pa phran du ma rdzogs bar slar mi'i lus rten zhig blangs/ smra shes tsam na ma de'i ya khud du gyur nas bzhi mdor bskyal/ de