[A:304]'gro ba'i don du 'phongs pa med par byed pa 'di yin zhing / rang nyid zhi ba don gnyer gyi blo ni nam mkha'i padmo ltar mtshungs so/ /drug pa mgon med srid mtshor 'khyams pa'i nyam thag gi 'gro ba mtha' yas pa'i don rtse gcig tu byas tshul la/ 'gro drug gtso bo mi lus dang / skam rlon gyi rten la gnas pa'i sems can gyi don byas tshul sogs las/ bo dong dang lha sa rdzong du snying rje'i gnas su gyur pa'i sde phan tshun 'khon bzhi thams cad zhi ba'i tshul gyis 'jam la blangs te byams pa la gnas par byas/ so so nas blo'i re ba phul du phyin pa byas btang snyoms kyi yul du gyur pas 'khrug gzhi bral rang dgar spyod pa'i bde ba la bkod pa dang / gzugs can mi rnams kyi 'dir snang phun tshogs kyi bde ba la 'tshe bar rtsom pa'i gzugs med bgegs kyi gnod pa las bskyabs pa'i 'gro ba pho mo drag zhan bar pa khri dang nyis stong tsam/ tshe mthar mi gtong ba'i bar chad 'chi bdag grong kha nas phyungs te bde bar mthar phyin pa dang / gzhan yang 'gro ba pho mo klu'i nad kyis btab pa mang po la phyag rdor me dbang dang bcas pa/ nA ga rakSha/ seng ge sgra sogs kyi gnyen po'i rjes gnang / klu nyid nad las gsos pa'i thabs gdon grol gyi cho ga rgyas par sgrub pa sogs kyi mi dang klu nyid bde ba'i go skabs thob pa dang / tshe 'di'i 'du byed rdzogs te nam zhig dus mthar gtugs pa'i 'gro ba pho mo grangs med pa la tshe dbang re byas pas de ring tsam mi gnas pa yang lo zla zhag sbrel nas tshe bsrings te thub pa dang / chos byed kyi 'gro ba pho mo mtha' yas pa rnams la lam du mi 'gro ba'i bar chad