[A:312]med/ 'di nas gzhan du 'gre nyan pa yang med pas dag ma dag gi cha mchis ban rgan nga rang gi spyan sngar bshags so/ /de ltar bris pa la nongs pa'i tshogs mchis na chos srung rgya mtsho'i spyan sngar bshags shing / dge ba'i 'bras bu sems can thams cad myur du sangs rgyas kyi go 'phang thob par gyur cig ces dus gsum gyi rgyal ba kun gyi ngo bo 'jam dbyangs mkhyen brtse'i dbang phyug gi zhabs rdul spyi bos len pa'i bka' 'bangs kyi tha chung rgyal khams kyi sprang po za nyal mkhan 'bru'i sngags 'chang dge slong rdo rje 'dzin pa bsod nams chos 'phel gyi sngar byas kyi gleng mo thams cad yi ger bris pa 'di ni/ dad can gyi mi dbang mtsho sgo nas dar rgyas drung gis gser gyi maNDal dang / chos gos rnam pa gsum sogs dngos po'i gnang sbyin dpag med bcas nan gyis bskul ba la brten/ skyag rdzun gyi gral mi 'grig bzhin du bsgrigs pa 'di ni 'dzin byed ces bya ba chu mo yos bu'i lo zla ba bcu pa'i mkha' 'gro 'du ba'i dus tshes nyer gsum la dpal ldan grang mo che'i gtsug lag khang gi bla brang chos dbyings dkar po'i rang gi bsam gtan khang bur sbyar ba'i yi ge pa ni nye bar gnas pa dkon mchog rdo rjes bgyis pa dge bar gyur cig/ //!na maHshrI gu ru puNya dharma wardhA ya/ dpal ldan bla ma dam pa rigs kun gyi bdag po grub pa'i 'khor lo sgyur ba'i bdag nyid chen po sngags 'chang chos kyi rgyal po bsod nams chos 'phel gyi ngo mtshar mdzad pa'i rnam par thar pa'am/ rtogs brjod rags pa tsam ni dam pa nyid rang gi zhal nas spel ba