[A:311]rnam dga' gdong gi slob dpon pa/ ngam ring bzhi sde'i jo gdan slob dpon rnams dang / 'od zer rgyal mtshan/ mgon po chos dbang / chos rgyal mtshan/ padma 'phel/ blo gros bzang po sogs khams pa'i slob bu phran bu dang / gzhan yang bstan pa dang sems can gyi don nus nges kyi thun bzhi'i dge sbyor gong 'phel gyi sgrub po grangs las brgal ba dang bcas pa yod do/ /gsum pa byang chub sems dpa'i spyod pas ma gyur 'gro ba'i don rab 'byams byas tshul/ dngos dang brgyud nas grangs med pa'i sems can gyi don byas par rags pa tsam du gong du brjod zin mod/ slad du yang 'khor ba ma stongs bar du lus srog thed du bor nas dmyal bar song yang gzhan don la skyo ngal med par byed pa 'di yin/ de yang 'gro kun phan pa dang bde ba'i go skabs bla na med pa 'byung ba'i sgo ni dkon mchog gsum gyi dbu 'phang la rag pa 'dug pas/ de gsum mi nyams pa'i thabs la 'bad rtsol dang khor yug tu dmigs pa med pa'i chos sbyin gyi bsam gtan la brtson pa 'di lags/ gang ltar bdag lta bu'i blun po la rnam thar dang bcas pa'i ngo mtshar gyi 'phreng ba 'chad rgyu ci yang med mod/ 'on kyang dad pa'i tshig gis bskul ba nan ches pas skyon thams cad gsangs nas yon tan cung zad yod pa thams cad bris pa yin/ de yang snyan dngags sogs kyi legs legs mi shes pas tshig skyon mang po yod na gzur gnas mkhas pa rnams kyis gzigs na bzod par bzhes/ mthar thug don gyi 'bras bu gzhan nas btsal dgos pa yang