[A:174]don yod rdo rje/ mdo rgyud rgya mtsho lta bu'i pha rol tu son pa'i rig 'dzin grub mchog kun dga' mchog ldan/ shes bya'i mkha' la mkhyen rab kyi gzi 'od 'bum phrag 'gyed par nus pa'i bdag nyid chen po 'dar skyid gshongs pa blo gros rnam rgyal/ /'jam dpal gshin rjes rjes su bzung ba'i brag dkar chu bzang pa dkon mchog rgyal mtshan/ grub thob thang stong rgyal po'i gdung gso ba bstan 'dzin nyi ma bzang po/ rgyal ba gnyis pa mkhyen brtse'i dbang phyug gi rgyal tshab bo dong mkhan rin po che bslab gsum dbang phyug /bka' brgyud bstan pa'i sgron me 'brug pa gcung rin po che/ 'khrul zhig grub pa'i dbang po ra sa 'dzin gyi gdan sa pa bstan pa bzang po/ lung rigs rgya mtsho'i mthar son zhing nyan grol gyi yon tan bsam gyis mi khyab pa'i mnga' bdag rong pa dge slong chos bzang po/ sngags 'chang grub pa'i mnga' bdag zhabs drung mkhyen brtse'i drung gi khu bo rje nam mkha' rgyal ba/ shangs ri bo bde chen ba bla ma rnal 'byor pa/ myug pa chos rje sbrum phu ba/ gzhan yang chung ngu'i dus bla ma'i rnal 'byor dang / tshe dbang dang / byin rlabs zab mo 'dra thob pa'i bla ma bdun dang bcas bsten nas mdo rgyud bstan bcos sogs gsang sngags gsar rnying bod yul du 'gyur ro cog gi dam chos mtha' dag la phyi nang gi sgro 'dogs legs par chod pa'o/ /skyes chen rnams kyi tshangs dbyangs rgya mtsho la/ /blo mig ldong yang bdud rtsi'i chu thigs 'thung / /nyams myong rlan gyis sbyar ba'i 'bras bu smin/ /skal bzang snyan brgyud bdud rtsi 'thung 'dod rnams/ /rings par