[A:175]tshur shog chos kyi bgo skal long / /rtogs 'dod don gnyer rtog ge'i rig pa sbyong / /pho sgrob phyogs lhung de rnams gnyid byos shig /gnyis pa phung khams skye mched ma smin pa smin par byed pa'i dbang lung rjes gnang thob tshul la gnyis te/ sngags gsar ma dang rnying ma'o/ /dang po la/ rnam grangs kyi sgo nas brjod na/ bstan pa rin po che'i lus yongs su rdzogs pa dpal ldan sa skya pa nas brgyud pa dang / byang chub sems kyi rlan gyis 'gro rgyun thar lam du khrid par mdzad pa jo bo dpal ldan a ti sha nas brgyud pa dang / sgrub brgyud chu bo'i rgyun ltar las 'ongs pa mar pa mi la nas brgyud pa dang / 'od gsal chos sku'i dbyings las gzugs sku thig ler bzhengs pa mkhas grub khyung po nas brgyud pa dang / rje btsun dbyangs can lha mos rjes su bskyangs pa'i paN chen bo dong pa nas brgyud pa dang / rgyal ba'i lung bstan karma rabs bdun nas brgyud pa'i dbang dang / gnyis pa la yang bka' ma dang gter ma gnyis yod pa las/ de rnams la'ang pha rgyud ma rgyud gnyis med rgyud de/ rgyud sde 'og ma sogs bsam gyis mi khyab pa 'dug pa rnams so sor bkod na mangs pas 'jigs te 'dir rtogs sla ba'i phyir phyogs gcig tu brjod na/ rang lo rtsa dgu pa nas lo bzhi'i bar chos gra de nyid du dam pa gnyis kyi drung dang myug sogs su dge sbyor gang 'phel dang snang zos gang bde byas bsdad/ rang lo so gsum pa lug lo zla ba bzhi pa'i gnam gang la drin khyer thabs ma mchis pa'i paN chen chos kyi rgyal po grags pa thogs