[A:176]med chos dbyings su gzims/ rgyal ba'i zhing khams su chos kyi nyi ma med pas gdul bya'i tshogs mun rum du gyur to/ /'on kyang ye shes kyi zer la rgyun 'chad med pas gsol ba 'debs pa dga' ba snyam/ lag yod kyi rab byung chas nas bzung bdog bcas kyi dngos po thams cad dus gcig tu spungs nas kun tu bzang po'i mchod sprin ltar byas te/ dge 'dun tshogs pa la phul mang ja dang / rna dkar du gdung mchod pa rnams la ja sbrel sogs gang bstab kyi gsol ba btab/ de nas dam pa nyid ma bzhugs pa dang gang la'ang snying po mi 'dug pa nas sgrub pa snying por byed snyam myug la log /de lo zhabs drung mkhyen brtse'i drung dpal zha lu gser bkang gi gdan sar phebs/ de nas yab sras lhan cig tu myug la phebs pa'i bsu ba ser sbrengs dpag tu med pas spyan drangs pa'i phyag phyir phyin/ de snga yan du thos pa'i dbang lung rjes gnang sogs kyang so sor thob skabs dang bstun nas bkod na mangs pas 'jigs nas 'dir phyogs gcig tu brjod pa la/ de lo dpal sbug rnam par grol ba'i ri khrod du/ zla ba bdun pa'i tshes bco lnga la gsung ngag rin po che 'dzugs pa gnang / zhabs drung mkhyen brtse'i dbang phyug gis dbu mdzad bdag lta bus tha shal byas pa'i skal ba bzang po'i mched po bco brgyad kyis zla ba bdun gyi bar la gnad du dril nas zhus pa'i thog mar/ snang ba gsum gyi 'khrid/ de grol ma thag maNDal tshom bu lnga pa la brten pa'i byang chub tu sems bskyed pa/ brgyud pa gnyis ldan gyi phyag len cig tu byas pa/ de rjes slob ma rjes 'dzin/ kye rdo rje man ngag lugs kyi rgyu dus