[A:177]kyi rdul tshon gyi dkyil 'khor du dbang chu chen mo las bshad pa ltar slob ma dbang bskur ba'i dbang stegs thun mong ma yin pa slob bshad kyi dbang / bar du lam gyi dbang / tha ma 'bras bu la mtshams sbyor ba'i dbang ste yab bka' dang / rdo rje bdag med ma lha mo bco lnga'i rdul tshon gyi dkyil 'khor du rgyu dus kyi dbang / gsang dbang gi lam bdag byin rlabs kyi 'khrid kyi thog mar nang gi bdag med ma gtum mo'i drod bskyed pa'i slad du bdag med lha mo bco lnga'i sindhu ra'i dkyil 'khor chen po byin rlabs kyi brgyud pa ma nyams pa ste yum bka' dang / lam zab mo bla ma'i rnal 'byor gyi 'khrid phyi nang gi byin rlabs/ rnal 'byor dbang phyug gi byin rlabs thun mong dang thun mong ma yin pa/ brda ston gsal ba'i byin rlabs/ bla ma rin 'byung gi byin rlabs/ tshar gsum khug pa'i byin rlabs/ rnam 'joms bir lugs kyi byin rlabs dang / de dag gi rgyab rten zab cing rgya che ba rgya bod kyi rgyud rgya gzhung bstan bcos rnams kyi lung / tshad ma rnam bzhi'i skabs so sor thun mong dang thun mong ma yin pa/ bod yul gyi mkhas pa dang grub pa'i skyes chen rnams kyi bzhed lugs tha dad du/ glegs bam che 'bring chung gsum bcu gnyis kyi lung brgyud pa 'di dang 'di nas brgyud sogs thob cing / 'di thos phyin lam zab zab gzhan la yid smon med pa'i bzhed cig gda'/ de nas rang lo so bzhi pa nas bzung dus gsum gyi rgyal ba kun gyi spyi mes gsang chen dam pa chos kyi 'byung gnas mdo rgyud ma lus pa'i glegs bam rje btsun 'jam pa'i dbyangs mkhyen brtse'i dbang phyug bstan pa'i rgyal