[A:155]skyabs su mchi/ /rig gnas mthar phyin dge 'dun nyi ma dang / /'khrul med brgyud pa'i mnga' bdag e waM pa/ /yongs grags 'jam mgon bla ma nag po pa/ /'dzam gling bla ma gsum la phyag 'tshal lo/ /rmad byung thugs rje'i tsha zer gzi 'od 'bum/ /'gro kun mi shes ldongs pa'i sgrib las grol/ /rgya bod brgyud pa'i bla ma'i tshogs rnams la/ /sgo gsum gus pas rtag tu phyag bgyid do/ /rgyud kun rtsa ba smin byed dbang bzhi'i lam/ /tshe gcig 'bras bu sngon du byed pa'i mchog /thabs mkhas dbang du brjod mdzad bla ma'i tshogs/ /'bad pas byang chub bar du 'dud do skyongs/ /he ru ka dpal bdag med lha mo'i tshogs/ /bde chen khro chags phag mos yongs 'khyud gsum/ /'jam pa'i dbyangs dang mi bskyod rdo rje sogs/ /lhag pa'i lha mchog tshogs rnams snying dbus bzhugs/ /lhag pa'i lha mchog rab khros khro bo'i gar/ /dran pas snying gi gdung sel 'jam dpal dbyangs/ /rmad byung dngos grub myur stsol yang