[A:156]phur zhes/ /lhag pa'i lha tshogs khyod kyis ring du skyongs/ /yi dam tshogs kun khros pa'i mkha' dbyings las/ /rmad byung mthu stobs zer 'phreng bye ba brgyas/ /bdud dpung mun pa mthar byed srung ma'i tshogs/ /bstan srung nyin mo'i mgon gyis ma gtong zhig /mdor na rtsa brgyud bla ma dkon mchog gsum/ /rab 'byams rgyal ba yi dam mkha' 'gror bcas/ /bstan srung nor lha gter bdag skyabs gnas rnams/ /dus kun byang chub bar du phyag 'tshal te/ /skyabs gnas sngon byon du ma'i rjes zhugs nas/ /sprang po'i rtogs brjod sgro bkur spangs pa'i gtam/ /dad ldan gus pa'i zhal ngo ma bzlog par/ /ngal mdzem spangs te cung zad bri bar bgyid/ /bdag skyon sa chen rdul ltar yon tan ni/ /nyin mo'i skar ma tsam du zad mod kyang / /skyon rnams rkun po'i nor bzhin rab sbas nas/ /yon tan gang yod lhug par bri bar bgyi/ /grub par gyur cig /de la gtsang stod g.yas ru myug gi rgyal khab tu skye ba blangs nas yongs 'dzin dam pa mang po dang / ches mchog tu sku drin che ba'i dbang por gyur pa'i rje btsun mkhyen brtse'i dbang po yab sras gsum gyi sku drin las rgyal ba'i bstan pa rin po che la mi phyed pa'i dad pa dang yid ches pa'i mthus/ ris med pa'i chos kyi rgya mtsho chen por 'jug pa'i sprang rgan rig pa 'dzin pa bsod nams chos 'phel zhes bgyi ba bdag gis lo bcu lon pa na grub pa mchog gi dbang po bsod nams dpal 'byor gyi zhabs las rab tu byung ba nas bzung deng gi bar du bla ma dam pa'i sku drin las rnyed pa'i yon tan cung zad tsam zhig dad ldan gyi zhal