[A:213]pa'i bzhed sgra dal gyis 'byin pa/ spyan 'bras zlum zhing brjid pa zhi ba'i nyams can gru gsum cung zad yod pa phyag gnyis lung bstan pa'i phyag rgya ltar mdzad pa gar dgu'i nyams dang ldan pa zhig byon byung nas khyed skal ba bzang yongs 'dzin dam pa brgyud pa 'khrul pa'i dri ma dang bral ba de dang mjal/ lam tshang la ma nor ba mkha' 'gro'i zhal rlang ma yal ba 'di lta bu thob phyin chad snying nas nyams len la 'bungs mdzod gsungs dbugs dbyung / da khyed rang 'di lta bu'i gdams pas yongs 'dzin brgyud bcas la nam yang slu ba med pas dus kun tu 'du 'dzi dang / grub mtha' gzhan gyi dbang du ma song bar zhes na gsol ba thob mdzod gsung lung bstan/ des nas nam zhig bstan pa dang snyan brgyud kyi bstan pa rin po che'i bdag po khyed rang byed dgos pa yong bas 'khur bzhes dang dga' ba khyad par can sgoms mdzod gsung gzengs bstod/ phyag gis byil byil mdzad nas nga yang khyed rang dang nam yang 'bral ba med do gsung byung ba dang snyam du gnyid sad pa na/ e ma chos kun rmi lam sgyu mar snang ba bden par 'dug /de lta bu'i bla ma dang dngos su mjal na ci ma rung snyam mchi mas mdun ngos bangs pa tsam nang du shor/ bsams tsa na blo bde ba'i tshad thub pa rig pa 'ur langs te dga' ba dang spro ba yid dngas pa thun bzhi'i dge sbyor la dang ba'i dad pa nyi ma shar ba ltar byung / de lta bu'i tshul lan cig ma yin par phebs byung bas dad pa dbrog tu med par byung / phyis bsams tsa na khyab bdag he ru ka dang dbyer med pa tshar chen rdo rje 'chang gi yongs 'dzin kun bzang chos kyi nyi ma blo ldan