[A:217]las byed pa dang dad gus byed pa mang du byung / gzhan yang rang lo sum cu rtsa bdun pa la dam chos mtha' dag gi bang mdzod bod yul gyi bde skyid ma lus pa'i sgo gcig po mkhyen brtse'i zhabs drung du/ mdo rgyud ma lus pa'i glegs bam gcig po gsung ngag rin po che tshogs bshad lan gnyis dang / slob bshad lan cig dang bcas pa rgyas par thob de yang slob bshad kyi go don zur pa tsam ni/ bla ma rab kyi zhal las blangs/ /zhes pa ltar yongs 'dzin mtshan nyid tshang ba'i sku gsung thugs mnyes par bya ba'i zhal sgo las 'byung gi /yig nag mtha' dag ltas pas don de nyid rtags pa'i thabs bral te/ tshad ma snyan brgyud bzhi'i spros pa bcad/ /ces dang / rgyu lam 'bras gsum dbyer med don smra ba/ /gsungs pas theg chen thun mong ba'i nyams len snang ba gsum nas/ dang po rgyu'i dbang nyid 'khrid du byas/ de'i rgyun skyong ba slob bu rjes bzung nas tha mal rnam rtog sbyongs pa bskyed rim gyis ngo sprod kyi tshul dang / bar du lam gyi dbang nyid 'khrid dang / de'i rgyun skyong ba gya nom lha zhen sbyong ba rdzogs rim nyid ngo sprod dang / tha ma 'bras bu la mtshams sbyor ba gong ma gsum gyi dbang 'khrid dang / de'i lta ba ngo bo nyid gsum gyi rgyun skyong ba sgo gsum la ye shes skye ba'i rnam rtog sbyong ba gong ma gsum gyi 'khrid nyid ngo sprod kyi tshul du byed pas na/ rgyu mtshan de'i phyir mgo bshad thabs nas mjug bkra shis yan la rgyud thams cad kyi snying po rin cen snang ba'i don nyid gtan la phab cing 'gros de nyid sbyar bas na/ dbyer med don smra ba de la slob bshad kyi chos