[A:218]zhes sa skya gong ma nas da lta'i bar du skal ba can re re la bzhugs pa 'di lags/ las sla dang tshod yod dang / mgyogs chas dang spom yor dang / zol zog gi lugs thams cad spangs nas ma bsres pas na de skad ces bya ste/ de lta bu'i sbas don snyan brgyud 'ba' zhig tu bzhugs te skal ba bzang po'i slob bu gcig brgyud kho nar bzhugs pa lags so/ /ma skyes rgyud la yod pa'i sa bon la/ /dbang bzhi'i man ngag chu lud mtshams sbyar bas/ /skyon dang bral ba nyams myong myu gu rgyas/ /bde chen lo tog 'bras bu ye shes smin/ /'khrul med rgyud rgyal ke la sha nyid la/ /log tog sprin gyis ma sgrib tsha zer dran/ /mos gus byang chub sems kyi chu klung las/ /'ongs pa'i bka' babs bzhi sogs zab mo'i don/ /da lta sprang btsun smyon pa'i nyams len yin/ /snyan brgyud sbas don gzhan gyis ma thos pas/ deng gi dus na zab don 'di nyid la/ /rtog ge'i gzo 'dod yod kyang don ma rtogs/ /thun mong gdams pas blo gros ngoms par mdzod/ /gzhan yang rang lo nyer bzhi pa la 'dul 'dzin dbang po dge 'dun nyi ma'i drung du gsung ngag rin po che tshogs bshad lan gcig dang / tshar chen yab sras kyi drung du slob bshad lan gnyis dang tshogs bshad lan gnyis lam 'di'i phyogs la dam pa gsum gyi drin las lam skor phyi ma dang bcas pa lan lnga thos shing sbyangs pas rang rgyud kun gzhi'i phung khams rin cen rol par byas te zhi dul 'bras bu phyug cing su la'ang re ba dang / smon mi dgos pa chos 'di'i bdag po las ches lhag pa zhig lags so/ /byang phyogs kha ba'i